Nattcup 2024

Lørdag 9. november!

Påmeldinga åpner i oktober!!

NB! Påmeldingsfrist for lag er
ONSDAG 6. NOVEMBER!

Kr 30,- per person å delta i turneringa.
Konfirmantar som deltek i kyrkja sitt konf.opplegg i Kvinnherad går gratis.

Det er mulig å komme på Nattcup utan å spele innebandy, men det er mange fordeler med å vera med i turneringa:
- Spelarar kan vinne kr 1000,- frå TrimX.
- Vinnarlaget i kvar klasse får gåvekort på kr 500,- hos PIZZABAKEREN på Husnes.
- Pokal til alle spelarar på 1., 2. og 3. plass.

VIKTIG INFO:

Det må vera minst 4 spelarar på kvart lag, max 8 stk. Kvar spelar betaler kr. 30,- for å vera med. Det er gratis å vera med for spelarar som er med i kyrkja i Kvinnherad sitt konfirmantopplegg dette året.

A - Dette er klassen for jentelag frå 8. klasse og oppover.

B - Dette er klassen for 8.-10. klasse. Både mix-lag og reine gute- eller jentelag kan vera med her. (Dersom laget har éin eller fleire spelarar som er over 10. klasse, skal laget stille i C-klassen.)

C - Dette er klassen for 1. vg og oppover. Både mix-lag og reine gute- eller jentelag kan vera med her.



DEI FØRSTE 100 PÅMELDE FÅR GRATIS T-SKJORTE:
I påmeldingsskjemaet velger de størrelse på T-skjorte for kvar spelar, eller velg "Ynskjer ikkje T-skjorte".


VELKOMMEN!

PÅMELDING HER:
Klasse A (Jenter)
Klasse B (8.-10. klasse)

Klasse C (1. vg og oppover)


Slik hadde me det i 2022:

Cup og moro i Husneshallen
- Marthe Eide (Grenda) -

Det yrte av glade ungdommar i Husneshallen under KRIK Husnes sin årlege Nattcup laurdag kveld.

Over 200 ungdommar strøymte til Husneshallen laurdag kveld. Totalt var det 12 påmeldte lag til turneringa, og eit stort tal ungdommar som kom for å sjå på, sosialisera og hygga seg.

– Det har ofte vore 300-400 personar innom arrangementet, men i år var det i underkant av 250 personar innom. Det varierer litt frå år til år, men denne gongen er det ein tydeleg nedgang, det kjenner me på. Likevel er det betre at det kjem rundt 200 innom arrangementet og at alt går fint for seg, enn at det kjem over 400 og det er kaos, seier Jan Ove Fagerheim.

Fagerheim gledde seg også over dei mange frivillige som bidrog til at kvelden gjekk fint for seg.

– Det er rett og slett rørande å sjå kor mange som stiller opp og vil bidra til at det vert ein god gjennomføring av nattcupen. Det plar aldri vera eit problem å få tak i frivillige, og det set eg stor pris på. I kveld er det nesten 50 frivillige på plass, smiler han og legg til:

– I tillegg er arrangementet nesten gratis for ungdommen, og det har me det rause lokale næringslivet å takka for. Me får både gåvekort og premiar, og eksempelvis har Power lånt ut ein 86 tommar flat skjerm til oss, så ungdommen kan spela Playstation på, fortel Fagerheim.

Sosialt og kjekt

Totalt var det 12 lag som var påmeldte, og som gav full trøkk i turneringa. Blant deltakarane var «Jesus influenserene» frå Husnes ungdomsskule.

– Det er veldig gøy med nattcup. Det er ein fin stad kor du kan bli kjent med mange nye folk å ha det moro, seier Emma Nordøy.

Trass i at innebandy ikkje er den føretrekte idretten blant jentene, sikta dei høgt i turneringa.

– Nokon av oss deltok i fjor også, og då gjekk det ikkje så bra i sjølve turneringa, men i år skal me knusa til og vinna heile greia, seier lagvenninnene Emma Nordøy, Inger Helen Skarveland, Kristina Rød Heimvik, Ida Haugland Flatebø og Sara Kristine Holtermann.

Vellukka arrangement

Dei som ikkje var med som spelarar kunne som vanleg velja mellom eit flust av andre sosiale tilbod denne kvelden. Blant anna kunne ein spela Playstation i nattkafeen, vera med på ulike konkurransar, kjøpa pizza og vera sosiale med andre ungdommar.

Fagerheim hadde berre lovord å komma med dagen etter arrangementet:

– Alt gjekk veldig fint for seg. All honnør til ungdommane og fantastiske vakter og leiarar. Det var stor trivsel og engasjement både på og utanfor banen, og godt humør kvelden gjennom, oppsummerer han.

I jenteklassen var det Hjemmelaget som stakk av med sigeren. I klassen for spelarar på ungdomsskuletrinnet var det Stein Kjølig IC som trakk det lengste strået og kunne jubla høgast, medan det i den eldste klassen ikkje vart avhalde noko turnering då det ikkje var nok påmeldte lag.

GinoBless var med oss også i 2018:



Slik hadde me det i 2019:




Kommentarer